Notifica

Aquí tense acceso ás notificacións –pendentes e realizadas– e comunicacións emitidas por diferentes organismos. Ademais, para as notificacións pendentes podes realizar a comparecencia e acceder ao seu contido

Mediante o enderezo electrónico habilitado calquera persoa física ou xurídica disporá dun enderezo electrónico para a recepción das notificacións administrativas que poidan realizar por vía telemática as distintas administracións públicas.

Como receptor de notificacións, este servizo ten carácter gratuíto.

Asociado ao enderezo electrónico habilitado, o seu titular disporá dunha caixa de correo electrónica na que recibirá as notificacións electrónicas correspondentes aos procedementos aos que voluntariamente decida subscribirse.

Nos casos nos que a práctica da notificación sexa obrigatoria poderase asignar de oficio un enderezo electrónico habilitado.

Este servizo cumpre coas máximas garantías de confidencialidade, autenticidade e privacidade, co fin de asegurar a identidade das persoas participantes e das comunicacións.

Para utilizar este servizo, a persoa interesada deberá dispoñer dun certificado dixital estándar X.509 emitido ao seu nome ou ao da empresa que representa. A lonxitude da clave dese certificado dixital será de 1024/2048 bits para a sinatura con certificados dixitais.