Servizos sociais comunitarios municipais básicos dos concellos de menos de 20.000 habitantes da provincia de Pontevedra.
A adhesión das entidades locais beneficiarias constitúe un requisito de efectividade do plan, de modo que se entenderá que as que non se adhiran no prazo previsto renuncian a participar.
A entidade local, ao se adherir a este plan, comprométese a realizar as actuacións necesarias para desenvolver os seus obxectivos e a completar coa súa achega económica os módulos financiados.
A percepción destas axudas é incompatible con calquera outra achega económica do organismo provincial para os mesmos conceptos, pero será compatible coa percepción doutras subvencións, axudas ou ingresos para a mesma finalidade procedentes de calquera das administracións e entes públicos ou privados. Non obstante, en ningún caso o conxunto das axudas recibidas poderá superar o 100 % do custo da axuda subvencionada. O beneficiario, de superar este límite, deberá comunicalo, co obxecto de diminuír o importe da subvención.
Documentación requirida
Proxecto descritivo dos servizos sociais comunitarios municipais (anexo II), segundo o modelo normalizado dispoñible en anexos relacionados
Como facelo
As solicitudes presentaranse obrigatoriamente por medios electrónicos a través do formulario normalizado, dispoñible na sede electrónica da Deputación de Pontevedra (https://sede.depo.gal).
O órgano competente para presentar as solicitudes electronicamente e todos os trámites relacionados co expediente é o alcalde ou alcaldesa. No suposto de que delegue a súa presentación deberá acreditar a representación da persoa designada para levar a cabo a tramitación administrativa do expediente.
Se algún dos concellos interesados presenta a súa solicitude presencialmente requiriráselle que a emende a través da súa presentación electrónica. Para estes efectos, considerarase como data de presentación da solicitude aquela na que se realizase a emenda. En todo caso, se tal emenda se realizase fóra do prazo de presentación de solicitudes esta deberá limitarse á presentación electrónica do que xa se entregou presencialmente, sen que poidan engadirse outros datos ou documentos ou rectificar os xa achegados.
Para a presentación das solicitudes a sede electrónica da Deputación de Pontevedra admite os certificados electrónicos do sistema Cl@ve, que prevé a utilización de sistemas de identificación baseados en claves concertadas (sistemas de usuario e contrasinal) e certificados electrónicos (incluído o DNIe).
