1998032 Subvencións a clubs deportivos da provincia de Pontevedra para o deporte náutico (remo/vela/piragüismo)
Descrición
Dirixido a
Poderán optar a estas subvencións os clubs deportivos federados que compitan en categoría nacional e que cumpran os seguintes requisitos:
Carecer de fins de lucro
Estar ao corrente coas obrigas tributarias da Axencia Estatal Tributaria, coa Facenda galega, coa Seguridade Social e coa Deputación, e non ter obrigas ou incumprimentos pendentes, de calquera tipo e non só económicos, coa Deputación
A modalidade practicada polos clubs deportivos federados ten que ter implantación na provincia de Pontevedra
Estar inscritos no Rexistro de asociacións deportivas da Secretaría Xeral para o Deporte
Non estar incursos en ningún dos supostos de incapacidade ou incompatibilidade para a percepción de axudas ou subvencións públicas nin nalgunha das prohibicións para percibir subvencións recollida na lei
Documentación requirida
As entidades solicitantes deberán achegar coa solicitude a seguinte documentación:
Orzamento estimativo de gastos subvencionables por esta convocatoria (base terceira), asinado e referido á modalidade deportiva correspondente á temporada 2018-2019 e, no caso dos clubs que participen en competicións de ano natural, á temporada 2019 (no caso dos clubs que marquen na solicitude que deducen o IVE deberán presentar os gastos sen o IVE).
Certificación expedida pola federación correspondente na que se detallen os criterios de valoración específicos e previstos no cadro da base 10.ª de las bases (excepto a memoria e o orzamento), segundo o modelo previsto no anexo II. Excepcionalmente, aqueles clubs de modalidades deportivas que se desenvolvan durante o ano natural deberán presentar o certificado da federación correspondente ao ano 2019. No caso de que non se poida presentar o mencionado certificado a persoa representante legal do club deberá achegar unha declaración xurada cos datos reflectidos na base 10.ª da convocatoria para competir no referido ano; no momento da xustificación deberá presentar inescusablemente o certificado da federación correspondente.
Memoria técnico-deportiva do club na que se especifiquen os resultados da temporada anterior (2018 ou 2017-2018) e os meses de duración da temporada actual no caso de non ser por ano natural.
Como facelo
As solicitudes presentaranse obrigatoriamente por vía electrónica a través do formulario normalizado dispoñible na Sede electrónica da Deputación de Pontevedra, https://sede.depo.gal.
Para a presentación das solicitudes a sede electrónica da institución provincial admite os certificados electrónicos do sistema Cl@ve, que contempla a utilización de sistemas de identificación baseados en claves concertadas (sistemas de usuario e contrasinal) e certificados electrónicos (incluído o DNI-e).
