1662887 Solicitude de subvención para escolas de música dependentes de asociacións sen ánimo de lucro
Descrición
Dirixido a
Poderán solicitar estas axudas as entidades titulares das escolas de música que conten coa correspondente autorización da Consellería de Educación e Ordenación Universitaria ao final do prazo establecido para a presentación de solicitudes e que estean radicadas na provincia de Pontevedra.
Documentación requirida
Modelo de solicitude debidamente cuberto acompañado da seguinte documentación:
Orzamento de gastos da escola detallado por conceptos (incluíndo as cantidades, os prezos unitarios e o IVE correspondente)
Orzamento de ingresos da escola detallado
Declaración responsable da relación de persoal docente
Declaración do número de alumnas e alumnos que se matricularon no curso 2018-2019
Declaración responsable das especialidades que se imparten na escola
Como facelo
As solicitudes presentaranse obrigatoriamente por medios electrónicos a través do formulario normalizado dispoñible na sede electrónica da Deputación de Pontevedra, https://sede.depo.gal.
Se algunha das persoas interesadas presenta a súa solicitude presencialmente requiriráselle que a emende a través da súa presentación electrónica. Para estes efectos considerarase como data de presentación da solicitude aquela na que fose realizada a emenda. En todo caso, se tal emenda se efectuase fóra do prazo de presentación de solicitudes esta deberá limitarse á presentación electrónica do previamente presentado presencialmente, sen que poidan engadirse outros datos ou documentos ou rectificar os xa achegados.
Para a presentación das solicitudes a sede electrónica da Deputación de Pontevedra admite os certificados electrónicos do sistema Cl@ve, que contempla a utilización de sistemas de identificación baseados en claves concertadas (sistemas de usuario e contrasinal) e certificados electrónicos (incluído o DNIe).
