288327 Subvencións a concellos destinadas a la mellora dos montes mediante a creación de parques forestais
Descrición
Dirixido a
Poderán presentar as solicitudes todos os concellos da provincia de Pontevedra, individualmente ou agrupados, para os parques forestais do seu ámbito xeográfico que cumpran os seguintes requisitos:
Ser unha área de monte continua e coherente, cunha amplitude mínima de 30 hectáreas
Para acadar a superficie poderanse formar agrupacións de Comunidades de Montes que estean localizadas nun mesmo concello ou en concellos distintos sempre que sexan estremeiras.
Conservar o seu carácter forestal ou equivalente.
Conter valores naturais (paisaxísticos, ambientais, edafolóxicos e forestais) ou culturais a preservar e poñer en valor
Non se limita o número de solicitudes que poida realizar cada peticionario.
Documentación requirida
Modelo de solicitude debidamente cuberto acompañado de:
Para a Liña 1, redacción de proxectos:
Memoria escrita e gráfica asinada do ámbito para o que se pretende redactar o proxecto de parque forestal, na que se recolla a superficie do futuro parque forestal, a descrición dos valores naturais (paisaxísticos, ambientais, edafolóxicos e forestais) e culturais existentes no ámbito xeográfico abarcado e a descrición das actuacións previstas no futuro parque forestal, en base aos puntos recollidos na base cuarta da convocatoria
Orzamento detallado e asinado, no que figure o custo total da redacción do proxecto incluído o IVE
Escrito da Alcaldía no que figure a aprobación do órgano municipal competente en canto á adhesión á subvención e o compromiso de achegar a súa parte de financiamento (anexo I). Se a achega do 30 % do custo da actuación antes citada non procedera dos fondos propios do Concello senón dos da Comunidade de Montes este feito deberá quedar reflectido mediante un acordo entre ambas as entidades no que os titulares dos predios obxecto da actuación pretendida se comprometan a realizar o pagamento, mediante a transferencia, desa cantidade ás arcas do Concello
Escrito da Presidencia da Comunidade de Montes no que manifeste expresamente a súa vontade de permitir a integración das súas propiedades no parque forestal mantendo o seu dereito a gozar dos aproveitamentos daquelas compatibles co parque forestal (anexo II).
Acordo entre a Comunidade de Montes e o Concello no que se garanta expresamente o uso e aproveitamento do parque forestal para toda a cidadanía con acceso libre, salvo as restricións que se xustifiquen no proxecto presentado (anexo III
Para a Liña 2, execución de actuacións:
Proxecto de parque forestal asinado e das separatas que se pretenden financiar, asinadas, no seu caso
Orzamento detallado e asinado, no que figure o custo total da execución das actuacións contempladas no proxecto, incluído o IVE
Escrito da Alcaldía no que figure a aprobación do órgano municipal competente en canto á adhesión á subvención e o compromiso de achegar a súa parte de financiamento (anexo I).Se a achega do 30 % do custo da actuación antes citada non procedera dos fondos propios do Concello pero si dos fondos da Comunidade de Montes este feito deberá quedar reflectido mediante un acordo entre ambas as entidades no que os titulares dos predios obxecto da actuación pretendida se comprometan a realizar o pagamento, mediante transferencia, desa cantidade ás arcas do Concello
Escrito da Presidencia da Comunidade de Montes no que manifeste expresamente a súa vontade de permitir a integración das súas propiedades no parque forestal mantendo o seu dereito a gozar dos aproveitamentos daquelas compatibles co parque forestal (anexo II)
Copia de todos os permisos e autorizacións sectoriais solicitados en trámite ou escrito no que figure que non son necesarios
Acordo entre a Comunidade de Montes e o Concello no que se garante expresamente o uso e aproveitamento do parque forestal para toda a cidadanía con acceso libre, salvo as restricións que se xustifiquen no proxecto presentado (anexo III
No caso de agrupacións de concellos, ademais deberán presentar:
Escrito de solicitude da alcaldesa ou do alcalde co acordo de aprobación do órgano municipal competente de cada concello solicitante, segundo o convenio de colaboración subscrito ao respecto
Convenio de colaboración interadministrativa
Nomeamento dunha persoa como representante legal para estes efectos
Declaración de que concello vai recibir o importe da axuda e de que deberá presentar a documentación para o pagamento e a xustificación
Como facelo
As solicitudes presentaranse obrigatoriamente por medios electrónicos, a través do formulario normalizado dispoñible na sede electrónica da Deputación de Pontevedra, https://sede.depo.gal.
Para a presentación das solicitudes a sede electrónica da institución provincial admite os certificados electrónicos do sistema Cl@ve, que contempla a utilización de sistemas de identificación baseados en claves concertadas (sistemas de usuario e contrasinal) e certificados electrónicos (incluído o DNI-e).
