2887054 Trámites administrativos xenéricos distintos da solicitude

A sede electrónica recolle unha serie de modelos xenéricos que as persoas interesadas nun procedemento administrativo poden empregar na súa actuación administrativa. Estes modelos son comúns para os distintos procedementos e poderán empregarse sempre que a normativa reguladora do procedemento concreto para o que se vaian utilizar non estableza outros modelos específicos.

Os modelos xenéricos poderán utilizarse para realizar trámites electrónicos nun expediente existente na sede electrónica a través da súa descarga e presentación electrónica seleccionado “En liña”. Para isto, deberá recoller o servizo destinatario da actuación, así como o procedemento e/ou número de rexistro sobre o que quere realizar o trámite. Ademais, estes modelos poderán descargarse para anexalos a unha solicitude ou para realizar trámites sobre outros expedientes e presentalos presencialmente, segundo o previsto na normativa reguladora do procedemento do que se trate.

Pode consultar os trámites dispoñibles en: Trámites administrativos xenéricos distintos da solicitude (depo.gal)

Prazo de resolución: 3 meses

Efectos do silencio administrativo: negativo

Unidade administrativa responsable: o servizo administrativo responsable do procedemento para o que se realiza a actuación.